• 【點止食炭咁簡單】吳剛練鐵布衫下體舉重 轉撈婚宴MC
  • 2019-02-15     29,388

 

講起吳剛師傅,通常會諗起佢喺《歡樂滿東華》食炭、伸手落油鑊、心口碎大石等等亡命表演。

不過咁都未算犀利,佢竟然練鐵布衫呢種功夫,訓練自己用下體舉重。

「即係將身體重要部位練到鋼鐵咁堅硬,不過唔係百分百成功,見到低胸迷你裙嘅性感女仔就會影響到!」吳剛解釋。

佢自爆練習嗰陣要戒色,仲有為重要部位買重保險。佢自認曾經試過受傷,非常痛苦,之後要紮馬浸藥酒。

佢亦試過自薦表演徒手捉鱷魚,不過無綫拒絕咗,原因係買唔到保險。

吳剛離開大台十幾年,曾經進軍飲食界,做過酒樓集團董事。早幾年更在旗下酒樓兼任婚宴司儀,只需多付三千元,便可找他登場。

雖然現已經離開飲食界,主要喺大陸搵食,但佢話:「時間配合到的話,《歡樂滿東華》隨時可以搵我搽油、除衫、食炭!」

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app