• 【拍拖未夠一年!】38歲內地男友6卡鑽戒求婚成功 35歲李彩華2月2日成人妻
  • 2019-02-14     34,781

 

恭喜!恭喜!35歲嘅李彩華結婚喇!係就係幾突然,不過,開心事冇所謂啦!Rain趁情人節喺社交平台宣布喜訊,雖然以卡通公仔代替老公同自己個樣,但都感受到佢新婚嘅喜悅!壹仔收到風,Rain嘅老公叫Eric,今年38歲,係個白手興家嘅叻仔,主力喺瀋陽做鋼材生意!佢哋兩個拍拖未夠一年,咁快就結婚,因為佢哋覺得大家都已到適婚年齡,而且係認真交往,所以就決定結婚。

Eric求婚時送咗隻價值2百萬嘅6卡鑽戒俾Rain,好大手筆! Rain同Eric喺2月2日在內地註冊,正式成為夫妻,嚟緊今年會喺香港及內地擺酒。唔好以為佢哋結婚後就會喺內地築愛巢,聽講佢哋而家喺香港物色緊啱心水嘅安樂窩,夫妻兩人都會香港、內地兩邊飛。壹仔問過Rain媽點睇女婿,佢就話Eric份人好好,高大又大方,最緊要係對個女好,兩個人好夾!

攝錄:陳亦龍

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app