• 二十年磨一劍|白告
  • 2019-02-16    
馬上成為壹會員
會員專區 只限會員閱讀

 

「聽講呢,人事部個Daisy,38歲生日嗰日去咗Speed Dating喎。」全身被Infiniti QX50真皮夾麂皮座椅包裹住嘅Poulain,一反平時慵懶嘅風姿,興奮地同調校緊導航嘅Takumi講是日八卦。

「Daisy?係咪號稱成年以後未拍過拖嗰個?都幾熱,我哋開冷氣啦。」QX50嘅上下雙觸控式屏幕中控台,容許Takumi一邊留意住導航變化,一邊用下面個觸控屏幕調校冷氣。「係呀,都成二十年啦,二十年都遇唔到啱佢心水嘅人。」Poulain插手玩屏幕,迫住Takumi只可以專心揸車。

「如果唔肯改進,唔裝備自己,二十年又點,再過多十年,佢都係停留喺三十年前嘅水平,搵鬼要咩。」Takumi答。「都無幾多人會用二十年嚟改進一樣嘢啦,搵過個咪仲好,係咪?」趁住紅燈,Poulain輕撫Takumi嘅手講。Takumi嘗試將注意力集中喺駕駛上:「都唔係㗎,部QX50個VC Turbo咪用咗二十年黎研發,識得主動喺高性能同高效能之間調節壓縮比,好力得黎又慳油,唔似得Daisy呢啲老處女咁,一係就日日見係咁Chur條仔,一係就忽冷忽熱唔睬人。」Poulain用力喺Takumi左手留低幾條指甲痕,答:「得喇,得喇,知你收放自如喇。呢度係邊度呀?」

「馬己仙呀,同你上山頂睇夜景。嘩!」一部車由山頂道衝落山,緊急剎車令QX50內嘅兩人幾乎企咗起身。「好彩無事,」Takumi踩停之後,馬上鬆開剎制,斜度令QX50嘅上斜起動輔助系統啟動,Takumi只要喺兩秒內俾油,部車基本上就唔會溜後,心急嘅Takumi大約半秒內已經狠狠踩落油門,仲切換到M波將轉數谷上紅區,VC Turbo介入下,龐大嘅QX50猛地衝前,追住已經消失嘅尾燈。

「做咩呀,又話同我上山頂嘅?唔好鬥氣啦。」Poulain語帶驚慌,緊握住扶手話。「你見唔到咩?車入面助手位嗰個係Daisy黎㗎,估唔到咁快識到個有錢仔。」「真係㗎?咁你揸快啲啦。」一有得八卦,Poulain馬上將驚恐拋到九霄雲外。喺電子穩定程式同車輛動態穩定控制系統幫助下,QX50喺山頂道保持高速行駛,總算逐漸見到前車嘅尾燈,Daisy個二十年不變嘅冬菇頭,隔住部車都好容易認得。

立即下載《壹週刊》Apps,隨時隨地睇盡時政專題、深度偵查、娛樂熱話!按此連結: http://bit.ly/next28app