• 【巧遇伍允龍劉穎鏇】與教育界新歡了解中 唐詩詠邊行邊舔雪糕
  • 2019-02-17    
馬上成為壹會員
會員專區 只限會員閱讀

 

唐詩詠早幾個月撞咗《白色強人》同《解決師》兩套劇,一邊要飛去澳洲拍外景,一邊又要早、夜接更趕劇,真係忙到抖唔到氣!最近,傳佢有個教育界新歡,對方係升學顧問中心創辦人兼執行董事陳思銘(Samuel),唔通佢真係踏入豬年就脫單?No No No,壹仔聽到唐詩詠同Samuel只係朋友,唔想感情生活成為焦點嘅唐詩詠,希望大家俾啲空間,放佢一馬!

忙完兩套劇,話咁快又要為《曼谷唐人街》開工,呢套又係重頭劇,唐詩詠唔再做嬌滴滴角色,要落手落腳打埋一份!拍咗幾日通頂,呢日難得有幾小時嘅break,唐詩詠冇約人,反而好趕咁去咗屋企附近嘅商場,第一時間去餐廳order外賣。趁外賣未整好,好急咁去買咩?行得咁急,就係為咗想買杯朱古力雪糕!唔介意邊行邊舔,呢個時候拎埋外賣,舔舔吓,仲要撞到同劇嘅伍允龍、劉穎鏇,唔怕尷尬,繼續舔杯雪糕。經過麵包舗,唐詩詠走咗入去買咗一袋仔一口咬嘅餐包仔。買好晚餐外賣同第二朝嘅早餐喇,佢就行去拎車,上到車食埋杯雪糕,好滿足咁揸車返屋企休息,準備第二朝再搏殺!

攝錄:陳亦龍

立即下載《壹週刊》Apps,隨時隨地睇盡時政專題、深度偵查、娛樂熱話!按此連結: http://bit.ly/next28app