• 【港版Julia呃麻甩佬百萬鬧上差館?】陳婉衡被點錯相 搵猛男傍住出入
  • 2019-02-16    
馬上成為壹會員
會員專區 只限會員閱讀

 

藝員被點錯相不時都會發生,例如連視帝陳展鵬都被撐警大聯盟認錯做朱經緯啦!咁大台咪神陳婉衡被認錯為呃人成球嘅電話女騙徒,仲搞到上埋差館,又有咩咁出奇呢?



是咁的,日前陳婉衡如常搭地鐵去上跳舞堂,期間有個麻甩佬走埋去話陳婉衡爭佢錢,呃咗佢百幾萬。全程用電話跟住拍片之餘,又唔俾陳婉衡離開。警察嚟到之後就覺得好困惑喇,事關報警嘅係男方,但陳婉衡反而喊到震晒似係受害者。最後擾攘咗幾粒鐘,去埋差館先發現係點錯相,真係無妄之災。誠如網民話齋,如果唔係個男嘅主動報警,真係有奶油相信佢係扮晒蟹博懵抽水㗎,話晒陳婉衡係港版Julia喎,E喎!



同日,《壹》仔撞見陳婉衡,或者受點錯相事件影響,今次有個高大猛男陪同。期間二人有傾有講幾投契,而陳婉衡睇落亦無啲咩受驚過度嘅問題,只係素顏感覺有啲口腫面腫,而且警覺性都相當高,好快就察覺到有鏡頭影住。又難怪嘅,無啦啦俾人點錯相嚇餐死,變成驚弓之鳥都好正常。



立即下載《壹週刊》Apps,隨時隨地睇盡時政專題、深度偵查、娛樂熱話!按此連結: http://bit.ly/next28app