• 霸氣甄妮回港 遇見拖女趙世曾反應竟然係……
  • 2019-02-19     33,507

 

樂壇巨肺終於蒲頭!

14年佢開完演唱會,之後就好少喺香港露面。呢日佢素顏約埋班friend去睇戲,有老花眼嘅佢矇晒眼睇嘢,咁又係,畢竟65歲嘞!

喺呢個時候,趙公子出現,拖住疑似北妹睇戲,是常識吧!本來甄妮同趙世曾天各一方,但就喺呢度佢哋偶遇。巨肺遇上花花公子,甄妮本能反應係……擰歪面呀。

嘩,咁唔俾面呀!咁又係,呢位巨肺前輩,真係唔使俾面人,尤其鬧後輩嘅時候。往績鬧過陳奕迅,巨肺G.E.M目中無人兼無家教,嚇到Eason要喺頒獎禮,向佢踎拜認錯。

佢好鍾意教訓後輩,俾佢開名話嘅仲有張栢芝同陳曉東,罪名係:喺機艙聲浪太嘈,勸佢收細聲浪無效。呢位前輩近年喺台灣歸隱田園,喺當地開農場務農,種下菜養下雞,唔知依家收晒火未呢﹖

立即下載《壹週刊》Apps,隨時隨地睇盡時政專題、深度偵查、娛樂熱話!按此連結: http://bit.ly/next28app