• 【入行二十年】 容祖兒拍MV玩穿越 成個人硬晒
  • 2019-02-19     3,452

 


容祖兒全新廣東主打歌《一種永遠》MV今日出街。今年係祖兒入行二十周年,而全新歌曲呈現祖兒當下嘅心態,令祖兒回想起堅持二十年嘅夢想歷程,「喺呢個過程裏面要經歷過唔同嘅磨練、長大,都係唔容易,我唱呢首歌嘅時候都係有一種激情,同埋希望自己可以飛得更加遠、更加高的感覺。」

MV於台灣拍攝,以一個故事形式帶出佢一路走來嘅經歷,祖兒話:「導演諗咗個超現實嘅故事、一啲穿越嘅感覺,喺好耐以前灌溉一個音樂嘅種子,將好多心機、心血擺喺泥土入面。」

拍攝當日,祖兒除咗要着住一件重量級嘅珠片衫,仲要全身搽滿閃粉,搞到佢成個人硬晒,佢笑說自己好似一隻着咗鞋嘅狗仔,「因為我要黐啲閃粉落去兩條手,好多唔同層次嘅閃粉,個頭又落咗好多gel,條裙又好硬,所以我而家就好硬。另外仲有一個shot好似驗眼,又係要我成個人硬晒定晒,哈哈。導演更安排咗一個好大嘅LED mon圓台,將我咁多年嚟嘅經典MV放入去,當我見到呢啲片段時,腦裏面諗起好多好懷念嘅畫面,好感動。」

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app