• 【《福爾摩師奶》最強Body】撒手鐧搶收視 余德丞動用42吋結實巨胸
  • 2019-03-06    

 

余德丞喺《福爾摩師奶》真係好多戲份,昨晚(3月5日)一集,前後加埋幾乎佔咗一節15分鐘,但表現如何真係見仁見智。好在無綫早有安排,Madam Lo做佢阿媽,又有陳瀅同江嘉敏兩小花傍住,幫余德丞孭飛戲份增加返唔少可觀性。

其實,除咗有可靠幫手,余德丞都有吸睛撒手鐧嘅,就係晒出佢副fit到漏嘅body,特別係42吋巨胸,結實有線條,真係好鬼正!不過,套劇係余德丞昏迷入院之前拍落嘅,死過翻生之後巨胸都應該縮咗水,怕且想再睇到咁養眼嘅余德丞,都要俾啲時間佢慢慢操返起至得喇。

話時話,余德丞除衫呢幕,隻狗狗都好搶鏡,睇住佢跑跑跳跳游埋水都幾過癮。不過無知一問,劇情話隻狗根據氣味,聞到余德丞失落嘅物品喺海入面,乜狗個鼻靈到可以分辨水中氣味?

立即下載《壹週刊》Apps,隨時隨地睇盡時政專題、深度偵查、娛樂熱話!按此連結 http://bit.ly/next28app