• 【美容業老闆逆齡生長】41歲劉明軒似廿幾少艾 夾緊美腿更差啲走光露美臀
  • 2019-03-19    
馬上成為壹會員
會員專區 只限會員閱讀

 

有線前主播劉明軒,而家都已經41歲,又做過人妻,但外觀睇落都仲係𡃁妹仔咁,唔單只個樣煞食,對腳都好得!當然,化晒濃妝好難唔靚嘅,所以大家又睇吓佢素顏樣,係咪掂先?仲差啲走光露美臀益街坊添呀!

坦白講,劉明軒之所以多人識,並唔係因為個樣靚,或者副偈得。不過隨住年齡增長,佢反而越嚟越省鏡,越睇越後生。對比舊照,佢07年30歲訪問台灣富商郭台銘時,個樣已經開始成熟。直到13年36歲嫁俾王傲山,立即有人妻人母嘅感覺。嚟到而家41歲,睇落反而似廿幾歲少女,落咗妝之後黑眼圈各方面都OK,膚質十分唔錯,只係顯得有啲疲累,咁樣反而又有啲摺lib嘅大學生feel添。

劉明軒逆齡生長唔難理解嘅,話晒近年投身美容界大展拳腳喎,唔係點做生招牌呀。執靚咗個樣,當然都要keep吓副偈啦,畫面呢日佢正正現身瑜伽健身中心之內。見佢露出一大截白滑美腿,又夾到實一實,真係好多經過嘅男士向佢行注目禮㗎。但見佢長時間坐定定專心用電腦,斷估都係煩緊公司嘢㗎喇。

做得老闆,落手落腳辛苦啲真係無得避,事關隔一排,又喺同一地點再見到劉明軒,又係對住部電腦發愁。上次話晒係短打戰鬥格化行妝,但今次打扮街坊咗,頭髮都有啲亂,素顏之下亦見憔悴,睇嚟有單大嘢好難搞咁喎。素顏現身就梗係無咁艷麗㗎啦,但反而有啲鄰家女孩feel,之後佢起身離開更有春光時刻,差啲走光露美臀,不過單係大腿深處都已經好有睇頭。

立即下載《壹週刊》Apps,隨時隨地睇盡時政專題、深度偵查、娛樂熱話!按此連結: http://bit.ly/next28app

相關新聞:

【揀仔有一手】41歲劉明軒搭上廖碧兒有米前度 步出酒店再吻別 http://bit.ly/2XHtPIK

【劉明軒拍親拖都好大鑊】恒生後人爭業權 才俊閃婚閃離 人夫11日6短聚 http://bit.ly/2CaDa2N