• 【冇工開唔怕,最緊要有女】24歲Chloe唔怕黃柏高再扔入雪櫃 繼續冧爆40歲王宗堯
  • 2019-03-11     16,178

 

早前透露同蕭定一約滿嘅王宗堯,話自己係義氣仔女,唔會因為蕭定一唔掂跳船,聽落幾好聽,實情係冇公司搵佢。冇工開嘅Greg又唔使擔心生活嘅,話晒屋企有錢,只係冇嘢做悶啲囉!悶唔怕,好彩仲有女陪,話晒女友係前女子組合As One成員嘅Chloe(蘇皓兒),24歲青春無敵。17年開始拍拖,同居生活咗近2年,感情唔錯。唔多like greg嘅黃柏高Paco,當初知道佢哋拍拖勁反對,仲扔咗Chloe入雪櫃,好唔容易走出「冰箱」嘅Chloe,早前先被安排拍攝無綫新劇《致所有愛過的人》,有工開吓。難得係Chloe唔怕老闆再扔佢入雪櫃,都要繼續同Greg拍拖,大佢16年做得佢uncle有多嘅Greg,冧女果然有一手。冇辦法啦,Chloe戀愛大過天,又唔要求男友買嘢食貴嘢,餐餐food court茶記都冇所謂,只要係同男友食,佢就好滿足,希望佢真係收服到獵女無數嘅Greg啦!

攝錄:蕭敬漁

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app