• 【《福爾摩師奶》余德丞阿媽】「無綫御用媽打」貼地搭地鐵 65歲盧宛茵食得清過衛蘭
  • 2019-03-11    

 

近期扭開大台,睇到熱播劇《福爾摩師奶》,「無綫御用媽打」65歲盧宛茵都有份做,飾演余德丞阿媽。距離15號66歲生日仲有幾日,趁呢日唔使趕劇,盧宛茵一個人嘆lunch,不知幾爽。睇住電話食lunch,望吓佢食咩先,沙律配麥包,好健康嘅配搭,估唔到盧宛茵食得清過衛蘭!再望真啲,仲有杯紅酒添,畫面同感覺即刻輕鬆又寫意,呢啲咪叫quality of life囉!齋食菜都食得咁滋味,如果Janice想減磅,真係要學吓喇!食飽碌卡埋單,放番好個銀包,摺好張單走人,睇得出盧宛茵係個好有條理嘅人。右手抽住袋戰利品,左手拎手袋,唔知係唔係買生日禮物畀自己呢?話晒拍咗咁多年戲,盧宛茵點會冇人識,有阿媽級嘅粉絲拉埋個女,同佢合照留念。影完相,盧宛茵搭地鐵走人,夠晒貼地。

攝錄:陳亦龍

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結 http://bit.ly/next28app