• 【一邊祝福長腳蟹 一邊支持傅嘉莉】胡杏兒被網民喪插厚多士
  • 2019-03-14    

 

呂慧儀(長腳蟹)同黃文迪離婚一事,理應只係兩個家庭嘅事,但竟然牽涉埋胡杏兒一份。點解?因為佢「厚多士」囉。

長腳蟹喺IG發表離婚聲明後,胡杏兒隨即留言:「祝福你們。」就咁嘅話,本來無咩問題,之但係好衰唔衰,佢竟然又喺傅嘉莉落井下石人哋離婚嘅post留言:「清者自清。」學網民話齋,胡杏兒想兩面討好?於是杏兒亦成為網民討伐對象之一,紛紛指責佢一邊祝福長腳蟹,一邊又疑似支持傅嘉莉,究竟想點?予人感覺似係抽人哋離婚水、喺傷口灑鹽。

其實照胡杏兒周圍留言嘅情況睇嚟,佢似係未了解事情,未望清內容就胡亂俾like留言咗先,未必有心搞大件事。另外,杏兒而家腹大便便,又要湊仔又要安胎,不如就唔好「厚多士」喇,眼看手勿動(唔好打字)就最穩妥。

立即下載《壹週刊》Apps,隨時隨地睇盡時政專題、深度偵查、娛樂熱話!按此連結 http://bit.ly/next28app