• 【愛女百日宴 收利是金器成小富婆】董敏莉:幫佢儲起做嫁妝,一代傳一代
  • 2019-03-14    
馬上成為壹會員
會員專區 只限會員閱讀

 

藝人董敏莉(Monie) 榮升媽咪之後,一直專心湊女,日前別出心裁幫愛女莊子子(Martha)攪pizza百日宴,與家人齊齊慶祝。Monie就話子子包包面,因此舉行Pizza派對迎合主題:「其實都係家人食飯,大家都係旨在見吓子子,佢呢晚表現都唔差,被陌生人抱都冇詐型,睇嚟佢遺傳咗我外向性格。」

Monie不時在社交媒體上載囡囡可愛照片,亦成日笑指愛女似男仔,所以Monie在百日派對上,諗住幫子子帶返個喱士頭飾,可惜囡囡似乎唔鍾意,幾經爭扎自行脫掉:「其實佢一百日人仔,都已經好有性格,唔鍾意都逼佢唔到!可能佢好貪靚,覺得今日造型唔多襯,睇嚟爸爸要努力搵錢畀我哋買衫Shopping,滿足我哋兩母女購物慾喇。」

Monie大爆百日宴令愛女成為「小富婆」,亦計畫將佢利是儲起留待做「嫁妝」:「我同老公都講咗大家不要做禮和送禮物,但大家好疼錫子子,當中還有不少首飾,會好好收藏,希望子子將來金銀滿屋喇,到時我抱孫等佢一代傳一代!不過我都唔敢諗太多,依家已經覺得佢大得好快,有啲唔捨得喇。」

立即下載《壹週刊》Apps,隨時隨地睇盡時政專題、深度偵查、娛樂熱話!按此連結: http://bit.ly/next28app