• 【激凸上圍備受注意】《東張》李旻芳升呢做廠景主持硬晒軚
  • 2019-03-15    
馬上成為壹會員
會員專區 只限會員閱讀

 

2015年開始擔任《東張西望》外景主持嘅李旻芳,近日終於升任為廠景主持喇!睇返佢第一次嘅表現,真係緊張到硬晒軚㗎。不過唔緊要,學佢自己話齋:「距離金牌司儀嘅目標又邁進咗一大步喇!繼續努力。」

李旻芳喺《東張西望》做咗外景主持3年有多,能夠備受觀眾注意,或多或少都因為佢經常著緊身衫,將本來已經頗有睇頭嘅上圍逼得更加「凸」出,令人好難注意唔到。此外,李旻芳主持旅遊節目《3日2夜》時,三點式浸溫泉將噴血Body表露無遺,更令佢人氣立即直線上升。

雖然觀眾同網民對李旻芳都幾受落,都幾鍾意見到佢出鏡,但其實佢都遇過挫折,都有被網民鬧爆嘅時候㗎,好似2016年到熊本地震受災區採訪期間,接受災民送飯糰令佢被網民譴責。事後佢急澄清食物有歸還災民,只係剪接後無播出。

立即下載《壹週刊》Apps,隨時隨地睇盡時政專題、深度偵查、娛樂熱話!按此連結: http://bit.ly/next28app