• 【3月14爆情史】王梓軒怕玩太大難收科 吳業坤求包養:養得起我就得!
  • 2019-03-14    

 

今日係3月14日白色情人節,王梓軒、吳業坤同馮家俊(Cousin),為了令大家喺呢個浪漫嘅日子,過得開心啲、浪漫啲同激情啲,約埋一齊jam歌,之後仲大講感情事。

梓軒就提醒各男士千萬唔好玩太大:「我有聽過一個理論,凡係情人節、拍拖紀念日,千萬唔好玩太大,因為你玩太大,下次就要再升呢,除非你諗住結婚,結婚就最高招。(坤哥:一係飛咗佢!)所以,唔好請佢食太好嘅嘢、送太貴嘅嘢。」

而坤哥就大爆擇偶條件好簡單:「只要養得起我就可以!」亦分享咗自己初戀嘅情人節係點過:「十幾歲都係去旺角女人街側邊啲餐廳。嗰時食咗餐飯,買咗一條旺中嗰啲鏈⋯⋯幾尷尬。」

立即下載《壹週刊》Apps,隨時隨地睇盡時政專題、深度偵查、娛樂熱話!按此連結 http://bit.ly/next28app