• 【男人最痛女友嫌你窮】張衛健提圈外舊愛分手理由:佢話如果嫁俾我 唔想買LV要等半年
  • 2019-03-16    
馬上成為壹會員
會員專區 只限會員閱讀

 

「喺愛情方面,好多時候我都係扮演被分手嘅角色。你唔信呢!靚仔如我,只能夠講佢哋唔識貨,哈哈,講笑啫!」張衛健在一間中學的分享會上,提到當年事業低谷時,身邊女友都離他而去。

他在分享會的開場白,就道出他跟角色「大帥哥」有好多相同地方。

除了帶著passion做人,愛情遭遇充滿黑色幽默。

當年他因為一套劇收視滑鐵盧,即被打落地獄般,由小生變棄將,徬徨之際,女友的對待更加無情。

「當時我覺得好徬徨,唔知點算,而身邊有冇人鼓勵我呢?係無嘅。喺呢個時候,可以同大家講吓愛情。雖然我係演過韋小寶,但其實私底下(現實)嘅我,喺愛情方面,好多時候都係扮演被分手嘅角色。我試過拍一套戲,跌斷咗隻手,要入醫院做一個全身麻醉手術,做完手術之後醒番,當時嘅圈外女朋友第一句說話就同我講:『不如我哋分手。』勁呢?於是我話:『你都好嘢,我一醒你就同我講分手。』。我話你俾個原因呀!佢話:『Dicky,我唔想繼續同你拍拖,將來嫁俾你之後,我唔想買個LV要等半年。』我話都係嘅!聽落好似係一個好勁嘅理由,但我諗諗吓,都唔知係一個甚麼原因嘅原因。」張衛健說。

剛才提及的是圈外女友,而以下分享的另一個,是圈外還是圈內呢?

「試過有另一位女朋友同我講分手,都係差唔多內容啦!話唔係要嫁一個好有錢嘅老公,但你而家連自己都未養得起,連屋企都未養得起,如果我同你結婚,你點樣養我哋嘅家庭呢?所以喺我事業低谷嘅時候,我可以話俾大家聽,我身邊完全無一個異性朋友、伴侶去支持我。」

會上他又分享當日跑去台灣尋翻身機會時候,如何死充巨星排場,當中的現實情節,又是跟大帥哥的劇情一樣,笑位連連。想知如何,去片啦!

立即下載《壹週刊》Apps,隨時隨地睇盡時政專題、深度偵查、娛樂熱話!按此連結: http://bit.ly/next28app

相關新聞:【劉德華係恩人】張衛健講座爆曾破產邊緣 窮到無錢食飯 扮無帶銀包賒賬度日: https://bit.ly/2F3whAI

相關新聞:【一個笑匠受虐的童年】張衛健俾躁狂父虐打:打到皮開肉爛 七、八歲已諗幾時俾佢打死: https://bit.ly/2F72Ai9