• 【傷口灑鹽】33E張沛樂恥笑前度那話兒細 隨時累人陰影大得中途轉基
  • 2019-03-15     33,821

 

擁有33E導彈上圍嘅沙律張沛樂,係唔少男性夢寐以求嘅女朋友。不過,原來有人有幸做佢男友,但竟然捉到鹿唔識脫角,有埋安全套都唔曉戴,白白浪費咗沙律嘅初夜,真係暴殄天物!

是咁的,沙律喺ViuTV節目《晚吹-女學生‧吹水班》大談初夜經驗,指自己喺外地留學期間,同一個台灣男仔拍拖,有次去男方屋企,完成晒前戲準備埋牙,連套都拎埋出嚟之際,先至發現男友唔識用。大家都係第一次,初初唔識用可以理解,但最令沙律印象深刻嘅,係對方太細,戴唔落。

「佢嗰度好細,戴唔到。我都唔知佢係無反應,定真係太細,我真係唔識睇,總之就戴唔到。」沙律說。

其實作為一個男性,唔識戴、戴唔到,嘗試完都唔成功,已經好失威,仲要被女友用一個「瞧不起」、「鄙視」嘅眼神望住。雖則沙律解釋個眼神只係出於「第一次有恐懼,佢又唔知做乜,我又唔知做乜,咁咪只好望住佢」,但對方應該已留下好深嘅童年陰影,話唔定中途轉基添呀!

立即下載《壹週刊》Apps,隨時隨地睇盡時政專題、深度偵查、娛樂熱話!按此連結: http://bit.ly/next28app