• 【潮流興上網補英文】80後哈佛畢業生不做女拔老師 網上教英文半年賺60萬
  • 2019-05-08    

 


現時流行共享,單車、汽車、屋等死物可以共享不足為奇,讓人意想不到連上堂都可以共享。在什麼都能買得到的淘寶網上,有不少在線課程,如同補習天王的視像課程一樣,但在家中隨時隨地都能上,有百多元人仔都過千元一堂都有。別以為無人買,淘寶上的銷量都不俗。

唔止大陸流行睇片上堂,現時在香港都有人在網上教英文賺錢。記者發現,在YouTube 亦有人教英文,部份短片,如教冠詞、名詞一年都有五十多萬views。究竟是為興趣定一份職業?記者找拍攝短片的「老師」現身,接受訪問,原來Charlotte在美國哈佛畢業,更曾經在女拔教過,不過任教一段時間,認為在名校教書只能夠跟課程教,並非真的教學生英文。

對於香港教育制度,她坦言DSE考試本身無問題,但學校課程設計卻令學童由幼稚園開始,就為中學畢業的一個大考試去努力。變相令學童由細開始受很多壓力,卻只是為了去考好呢個試。「好多時我接到啲家長嘅電話同埋email,叫我去幫啲DSE年齡嘅學生補習,教佢哋佢點(考試),尤其是考writing嗰個試。」她教了兩年之後,「發現其實我本身有興趣教真係嘅語言規律,多過教寫作同埋文學。所以我就決定自己去試吓,真係去自己創一套教英文嘅方法出嚟。」最後她決定放棄當安穩的名校教師,改在網上教英文。

普遍小學及中學學生上堂學英文都是為了應付考試,真正想學語言的人少之有少。反而,在職成人學英文更加有心機學語言。「大人學生好多時對學習嘅嘢係好有需求,但佢哋係需要一啲隨時隨地都學到嘅嘢。」

「我覺得嗰個市場(學英文)需求其實好大,因為大部分上緊我課程嘅學生,都係做緊嘢嘅大人,佢哋好多時,未必係要成日講英文,但每一日都一定要寫email、做presentation同寫report。佢哋對寫嘢有好多難題,成日會覺得寫嘢好難,因為佢哋唔係好理解英文嘅規律,句子係點樣組成。所以就算佢哋寫啲好簡短嘅memo、email等都覺得好難。」

創業初期,Charlotte為降低成本,寫教材、拍片、剪接等都是自己一腳踢,並放上YouTube試水溫。儘管YouTube點擊及廣告為Charlotte帶來少量收入,但收入微薄,難以糊口。因此,當時Charlotte有為出版社撰寫英文書及其他稿件,支持創業夢。在YouTube擺放5至10分鐘免費教學短片,多則數十萬人收看,小則數千人,但來自YouTube的收入始終有限。賺取一定觀眾後,Charlotte就推出總長度逾20小時,更深入的課程,還有包括線上諮詢,雖然只有二百多人由免費到願意花錢上堂,但由於三千元一個課程,營業額亦高達60萬元,已遠高於做老師的收入。

撰文:詹詠渝

攝錄:林志謙

「壹起出手,撐新聞自由!」
立即免費訂閱《壹週刊》

登記成為壹會員,睇盡獨家內容,會員活動!

http://bit.ly/NextSubscrition30

【逐步教學】立即登記訂閱《壹週刊》! 免費無阻睇盡全部精彩內容

http://bit.ly/2WYFZvA