• 【媽媽創業賣濕疹膏】曾做銀行十幾年為女辭職 開手作網店月賣3000貨找回自己
  • 2019-05-12    
馬上成為壹會員
會員專區 只限會員閱讀

 

「創業」看來只事一盤生意,但對全職媽媽Angie來說,這盤生意讓她找回迷失的自己。Angie回想:「我當初都好掙扎,最後我決定咗做全職媽媽都係得到老公好大力支持,我好慶幸自己做咗呢個決定,都覺得係好幸福。」

當媽媽不容易,選擇放棄打拼十多年的事業成為全職媽媽更令人敬佩。Angie在十多年前與不少事業人女強人一樣,全副心機投放在銀行市場調查的工作上,直到女兒Victoria出世,自覺陪伴小孩的時間太少,毅然辭去工作全職湊女。由懷孕初期,她一向對所有用品及食物的成份十分留意,所有東西都會先看標籤,亦會到找遍地區的樓上店購買一些純天然的進口家用品、身體用品等。「後來我覺得不斷搵不如自己做,就開始做產品給自己和家人用,直至開第一間網店。」Angie講起自家製造手工用品網店開設的原因。

照顧女兒當然為首,即使當時兩歲的女兒沒太大健康問題,當媽媽的Angie也怕錯過她成長的過程,「做媽媽就知道有Trouble Two呢樣嘢 ,逢你講嘅嘢佢都會必反,同埋佢食嘢方面唔好,醫生同我哋講要諗辦法可以點喂佢食多啲。」辭職後,她每天的重心全部集中女兒身上,生活圍繞著女兒轉,但Angie憶述當時的情況其實並不太好:「你會冇咗自己,你好掙扎會平衡唔到心理狀態,好似24小時都係個女個女咁樣,咁我自己呢?」

後來Angie和朋友嘗試以自己製造天然家用品的經驗放到社交平台分享,但她對社交媒體一竅不通,「嗰時網店生意可能每日得幾單,講緊可能每個月買到百零件產品,啱啱夠交租、買料,真係賺餐晏仔!」憑著不斷嘗試,每個月放產品到市集擺攤讓更多人認識,現時每個月也能賣出2000至3000件產品。

Angie的工作室內充滿著草藥的氣味,她直言不少產品概念來自客人的要求,有時會遇到客人詢問,「點解舊膏唔係上次嘅黃色?」她解釋由於每批植物都不一樣,它的味道同顏色都有分別,但其實手作用品的手工費一點也不便宜,由材料浸泡到製成膏狀,再包裝全部都由人手包辦,「屋企人肯用我地安心先會賣,我哋會擺佢一段時間,睇佢會唔會有唔同反應,例如擺入浴室又用唔用到,又將佢分畀屋企人,等佢地唔同環境底下試用產品,會唔會出到想要效果。」

撰文:陳穎妍

攝錄:善 也

《壹週刊》5月14日起正式實施會員免費訂閱制
立即登記免費訂閱

【免費訂閱】5月14日起想睇盡壹週刊?立即登記成為壹會員!

登記連結: http://bit.ly/2GWUXgF

【逐步教學】教你登記壹會員 壹個戶口睇盡「蘋果動新聞」「壹週刊」全部精彩內容

教學連結: http://bit.ly/2XV1LRn