• 【為演唱會日做兩小時gym】洪卓立廣州奪兩獎 預言8月「有事發生」
  • 2019-05-12    

 

洪卓立(Ken)昨日(11日)到廣州出席「音樂先鋒榜三十一載榮耀盛典」。Ken繼去年奪得兩獎後,今年再分別奪得「最佳現場演繹獎」及憑歌曲《獻醜》獲得「先鋒金曲」兩個獎項。

Ken於頒獎禮上,即場演繹歌曲《獻醜》,獲得兩個獎項嘅Ken表示好開心、好榮幸同埋好感恩,但又有少少慚愧,「因為上年嘅錄音過程並唔係好順利,有好多阻滯,所以上年其實喺音樂方面只得呢一隻歌推出咗,但大家都喜歡呢隻歌,所以非常高興。」佢又話今年將會全面回歸音樂,「今年會出三隻歌,六月喺佛山亦有個音樂會。」

有關音樂會備戰,Ken就話:「keep住練歌,體能上亦都好努力訓練,每日都做至少兩個鐘頭gym,真係操得好甘,操到個人都散咗,不過見到自己每一日都有進步係開心嘅。」除此之外,Ken仲話:「八月份希望喺香港有啲嘢可以發生到啦。」

「壹起出手,撐新聞自由!」
立即免費訂閱《壹週刊》

【免費訂閱】5月14日起想睇盡壹週刊?立即登記成為壹會員!

登記連結: http://bit.ly/2GWUXgF

【逐步教學】教你登記壹會員 壹個戶口睇盡「蘋果動新聞」「壹週刊」全部精彩內容

教學連結: http://bit.ly/2XV1LRn