• 【真人騷現火藥味】鍾麗緹畀奶奶嫌懶又大使 背後講新抱是非
  • 2019-05-13    
馬上成為壹會員
會員專區 只限會員閱讀

 

專講婆媳關係的內地真人騷節目《我最愛的女人們》,邀請了48歲的鍾麗緹、老公張倫碩同張媽媽,不過一人三行,帶住十個行李喼出發,結果只得張倫碩一個人將行李由酒店房間搬上車,鍾麗緹同奶奶二人一早上車等,見等到唔對路,奶奶就多次出聲叫鍾麗緹去幫手,鍾麗緹唔單只無反應,仲話:「他今天去健身,應該有很多肌肉。」搞到奶奶都無言,令到氣氛相當尷尬。

之後到達酒店房間,拍攝團隊預先將房間搞到亂七八糟,奶奶即時指揮官上身,令鍾麗緹非常無癮兼反白眼,之後更加被奶奶挑剔抹得未夠乾淨,鍾麗緹亦忍不住駁咀:「奶奶要不要戴個眼鏡?」,婆媳矛盾逐漸浮面。

不過奶奶對鍾麗緹亦並非無意見,趁鍾麗緹落街買餸,就即時同個仔講新抱是非,批評鍾麗緹經常洗腳唔抹腳,唔單只使錢使得多,仲同阿仔講屋企太細唔夠位畀鍾麗緹擺戰利品,呢個婆媳關係,似乎一時三刻都未必解決到喇。

「壹起出手,撐新聞自由!」
立即免費訂閱《壹週刊》

【免費訂閱】5月14日起想睇盡壹週刊?立即登記成為壹會員!

登記連結: http://bit.ly/2GWUXgF

【逐步教學】教你登記壹會員 壹個戶口睇盡「蘋果動新聞」「壹週刊」全部精彩內容

教學連結: http://bit.ly/2XV1LRn