• 【結婚半年感情生變】同卓林共過患難 老婆Andi發文暗指長唔大:講再見吧!
  • 2019-05-14    

 

吳綺莉(Elaine)同成龍嘅女兒卓林,為與同性老婆Andi雙宿雙棲,唔理阿媽吳綺莉嘅反對,去年同Andi一度遠走高飛去加拿大「流浪」及結婚。之後返港兩公婆拖著行李,租賓館過顛沛流離嘅生活。

呢對共患難嘅「夫妻」,近日感情突然生變,今日卓林另一半Andi喺ig發文,暗諷有人長唔大,唔生性,甚至最後講到:「講再見吧!」

Andi內容咁講:「討厭成日都要鼓勵你,因為你依然唔明白。你仲剩低啲咩?當我無家可歸時,我願意拋開一切,然而我嘅心係安定,所以我可以揾到自己嘅方向,弄清你係點樣嘅人。」

跟住佢講到有人唔願面對,暗示對方依然頹廢。「你話你自己係豬,但你唔想我哋好似雀仔一樣咁高飛咩?積極搵番自己吧!唔好跟喺我後面搵答案。」

最後Andi仲講到分手咁。「唔好打擾我,我想自己一個人,講再見吧,好嗎?你做得到的。」

一直同阿媽關係唔好嘅卓林,內心非常脆弱,遇上Andi後,更將全副精神寄託喺對方身上。不過若自己唔識重新振作,一對幾愛嘅情侶,可能都變成負累。但願喺單親家庭嘅卓林,可以尋回自己,好好生活。

「壹起出手,撐新聞自由!」
立即免費訂閱《壹週刊》

【免費訂閱】5月14日起想睇盡壹週刊?立即登記成為壹會員!

登記連結: http://bit.ly/2GWUXgF

【逐步教學】教你登記壹會員 壹個戶口睇盡「蘋果動新聞」「壹週刊」全部精彩內容

教學連結: http://bit.ly/2XV1LRn