• 【藥房海鮮價劏自由行】高登藥房前老闆為仔轉做街坊生意:唔想提心吊膽
  • 2019-05-16    
馬上成為壹會員
會員專區 只限會員閱讀

 

單在旺角,一條街已經有十幾間藥房,數目竟比便利店多近兩倍,不時有傳媒報導,有「黑心藥房」用海鮮價「劏客」的情況,令不少香港人對油尖旺區一帶的藥房銷售手法有保留。高登藥房前股東之一的Eddie,中五畢業已經入行做藥房,第一間就是在遊客區,期後才跟人合伙搞高登,自己做老闆。他坦言,以往他最常說的一句話:「買三送一﹗」,客人本來買一個變買半打,正正是令一張本來一百幾十的單,變幾千元「埋單」的關鍵。「我哋好了解產品,清楚底價成本價。我哋俗稱「揸價」,心入面有個定價,之後再用discount方式,三送一、六送一去推大張單。」

由客人一行入鋪頭,他們會先看對方戴那個牌子的錶,就知對方是否「豪客」,九成九都「中」。「全世界得中國人用藥油用得特別多,當時做遊客生意,資訊唔發達,唔係好多人對藥同保健品有太多知識,所以我哋都幾主導銷售場面,黃道益、雙飛人呢啲太出名啦,冇錢賺,一支可能賺緊得個一兩蚊。但賣其他馬來西亞、新加坡牌子會賺多一倍或者兩至三倍。」

Eddie指,藥房八二定率,八成貨是毛利較低,而另外兩成毛利則高。不過,當全世界以為他們炒奶粉,他卻為此反擊,「當時市場太火熱啦,好多人每一浸入面都賺錢,每個人都加利潤上去,去到門市嗰陣,成本已經好貴。唔係剩係藥房推高個價,其實去到我哋手上都係賣正常價錢。所以當時奶粉盈利冇想象咁高,只不過係炒上炒上炒。」亦正正是外間對藥房的負面看法,再加上朋友的「單打」,「人人見到我,都話我一定賺好多錢。」

直到兒子出世,他決定由做自由行生意,轉場做街坊生意。「做藥房好多時有灰色地帶,有踩界位,會覺得點解做藥房要擔驚受怕。當時小朋友就出世,等佢大個嗰陣,我可以好自豪同佢講,爸爸係做民生生意既藥業。」

他認為藥房是民生生意,不應該是牟取暴利的地方。不過開始時亦相當困難,以往有三十日「數期」,部份供應商開始時不太信任,要求他現金找數,「見到我哋冇現金就即刻拉貨走人。」以往一單生意額小則幾千、現在「揼石仔」,可以小至幾十元一單生意,但起碼做得心安理得,感覺踏實點。

Eddie自小在木屋區長大,小時候父親患鼻咽癌,與病魔戰鬥達十年。母親為專心照顧爸爸辭去工作,家庭頓失經濟支柱,一度申請綜援度日。待長大後做藥房學徒幫補家計時,父親身體惡化病逝,「普通家庭會一齊出下街、飲下茶,細個基本上係冇呢樣野,唔明點解自己屋企會咁樣,細個唔識分辛唔辛苦。」Eddie回望過去辛酸,意識到家庭和健康緊緊相扣,希望藥房能循著建立社區關係發展,「唔好剩係一買一賣,花多啲心思觀察下街坊生活習慣,因為啲街坊真係會日見夜見,唔買野打個招呼吹下水都好啊!」

撰文:張怡

攝錄:蔡福生、林頌華

立即下載《壹週刊》APP,精彩內容壹手掌握

下載連結: http://bit.ly/Next29App

如對會員訂閱制遇到任何問題或意見,你可以致電 2623 9985,或電郵聯絡客戶服務主任 cs@nextdigital.com.hk,我們定當盡力協助!