• 【康城影展】《延禧》宮女芝蘭行紅地毯賴死唔走 保安上前驅趕照擺pose
  • 2019-05-15    

 

世界知名嘅康城影展,係唔少女星搏出位嘅好時機,特別係行紅地毯嗰陣。嚟到第72屆,香港時間5月15日凌晨開幕,《延禧攻略》高貴妃身邊嘅宮女芝蘭(施予斐)有機會行紅地毯,不過佢竟然賴死唔走,就算有工作人員上前示意佢離開,但據聞佢扮聽唔明繼續擺pose,可惜啲攝影師個個已經放低部相機唔影佢呢,連佢啲同胞都指責佢:「為了自己上位,丟了國家的臉。」

其實難怪佢就算出醜都想搏多啲曝光機會,畢竟佢2004年18歲一出道已經同周杰倫合作拍廣告,3年後仲升lv主演法國電影《奶昔》並踏足康城影展紅地毯。2008年更加係事業巔峰,擔正荷里活鉅製《人魚帝國》女一,連有份參演嘅楊冪都要做佢妹仔幫佢抬轎,巧威威㗎!可惜好景不常,《人魚帝國》被批評為「最貴又最難睇電影沒有之一」,加上施予斐曾經一朝得志語無倫次得罪人,所以到近年已經少有機會再做女主角,通常係配角,想紅都紅唔起。

立即下載《壹週刊》APP,精彩內容壹手掌握

下載連結: http://bit.ly/Next29App

如對會員訂閱制遇到任何問題或意見,你可以致電 2623 9985,或電郵聯絡客戶服務主任 cs@nextdigital.com.hk,我們定當盡力協助!