• 【甘願淪為阿四】人妻陳嘉寶幫男模按摩好體貼
  • 2019-06-10    

 

29歲嘅Anjaylia(陳嘉寶),上年下嫁俾滑水教練黃頌忻,今年初仲快快手做埋阿媽。日前壹仔發現佢好忙碌,但唔係拍劇,而係變身做助手,幫佢老友,男模兼時裝網絡紅人嘅Charles打點一切。

見Anjaylia孭到一袋二袋,仲要手挽一袋,但對手依然無停,幫Charles揸機拍低花絮,好盡責。

呢位男模Charles,仲得到Anjaylia老公式享受,為佢按摩。按完膊頭又按下頸,唔怕老公呷醋咩!不過應該係我哋諗多咗啫!事關model出身嘅佢,只不過指導下老友點樣放鬆擺甫士。

當日所見,產後四個月嘅Anjaylia真係修身修得快,加埋紮住條辮仔少女味十足,冇忽似阿媽。Keep得好,佢份人亦冇架子,話晒都係女主角,但佢唔介意為朋友做阿四。所以之後遇到粉絲要求合照,佢又點會拒人於千里。

立即下載《壹週刊》APP,精彩內容壹手掌握

下載連結: http://bit.ly/Next29App

如對會員訂閱制遇到任何問題或意見,你可以致電 2623 9985,或電郵聯絡客戶服務主任 cs@nextdigital.com.hk,我們定當盡力協助!