• 【真正至索小昭】54歲邵美琪讓半球拒愛 專心侍母:男朋友大把啦!睇你要唔要
  • 2019-06-12    
馬上成為壹會員
會員專區 只限會員閱讀

 

自從15年同施祖男分手之後,邵美琪一直單身,但佢並非冇追求者,而係想留多啲時間照顧媽咪啫。

依家熱播嘅《倚天屠龍記》,網民大讚劇中許雅婷係最索小昭。其實當年邵美琪飾演嘅小昭,同樣被大讚至索。雖然佢現已54歲,但仍然keep得好好。

由於佢拍落少大台劇都喺大陸播出,喺內地有人氣,近年主要拍大陸劇吸金。

加上早年性感代言纖體廣告,半裸示人索到啪啪聲,迷倒唔少大陸追求者,不過邵美琪全部唔啱心水,寧願單身。

近期難得留港,佢親自照顧媽咪。早前兩母女去完街之後,佢同工人夾手夾腳送媽咪上車。由於驚媽咪撞親個頭,佢好保護佢個頭,然後自己揸車送媽咪返屋企。

邵美琪珍惜同媽咪一齊嘅時間,全因細個嗰陣,爸爸行船,媽媽又要出外工作,佢係獨女,成日得自己一個,形成比較孤僻嘅性格。

佢一直唔識表達有幾愛媽咪,仲話以前唔會同媽咪講:「好掛住你,好愛你!」但近年見到好多天災,心態唔同咗,覺得想講就要講,所以會成日攬住媽咪。

至於男朋友,佢好自信咁話:「大把啦!睇你要唔要。」仲話唔怕冇男朋友錫自己,而係怕自己太錫人哋。佢一向識得照顧自己,唔使人哋照顧一生喎!

立即下載《壹週刊》APP,精彩內容壹手掌握

下載連結: http://bit.ly/Next29App

如對會員訂閱制遇到任何問題或意見,你可以致電 2623 9985,或電郵聯絡客戶服務主任 cs@nextdigital.com.hk,我們定當盡力協助!