• 【66歲圓夢開騷】盧宛茵有「乖仔」楊明撐 申請健力士演最多阿媽角色紀錄
  • 2019-06-11    
馬上成為壹會員
會員專區 只限會員閱讀

 

盧宛茵(Madam Lo)在娛圈縱橫近五十年,演得又唱得嘅佢,追夢成真在今年八月中喺麥花臣開一場棟篤笑,到時除咗有《卡拉屋企》成員鄭敬基等人做嘉賓,仲有演過佢兒子嘅楊明,撐佢記者會之餘,當晚亦會上台演出。Madam叮囑:「 孻仔(指楊明)到時一定要嚟,唔好去拍拖住。」

喺大台演盡無數媽打角色嘅佢,唔少大星都做過佢個仔。「多到真係記唔起,古天樂、周星馳、李家聲。」楊明聽到都唔執輸咁話:「全部都巨星,包括我,我掹車邊啫!」大會亦為Madam Lo演阿媽角色數量,申請入健力士紀錄。

Madam嘅棟篤笑話題會環繞婆媳糾紛和娛樂圈秘史,雖然佢同媳婦嘅婆媳關係非常和諧,但佢亦會同現場觀眾一齊討論,好互動。另一part係一顯佢扮嘢功力,到時扮撞樣衛蘭之外,仲有小鳳姐。當然唔少得Madam唱歌啦!
Madam Lo演過無數阿媽角色,有見及此,大會為佢申請入健力士紀錄,未知成功與否。
66歲圓開騷夢,佢嘅子女同孫兒一定捧場啦。

立即下載《壹週刊》APP,精彩內容壹手掌握

下載連結: http://bit.ly/Next29App

如對會員訂閱制遇到任何問題或意見,你可以致電 2623 9985,或電郵聯絡客戶服務主任 cs@nextdigital.com.hk,我們定當盡力協助!