• 【年輕人不知的阮兆祥】贏歌唱比賽入行 與黎瑞恩拍拖 被倪震嘲漢堡包嘴
  • 2019-06-12    
馬上成為壹會員
會員專區 只限會員閱讀

 

阮兆祥現身《流行經典50年》,唔少年輕網民訝異佢識唱歌,而且唱得幾好。當然,亦有人話佢老油條唱法。老油條一啲都唔出奇,因為佢1985年贏歌唱比賽季軍入娛樂圈嗰陣(冠軍為李克勤),好多網民都未出世,只係睇過阮兆祥古靈精怪、搞搞笑笑、扮女人,好少有機會認真聽佢唱歌。不過,嚟緊有機會喇,事關今年3月已約滿無綫嘅佢,外闖就是為了找回初心重拾歌手身份,不久後便會出唱片、開演唱會,紀念佢1989年出第一張大碟至今30週年(祥仔在節目上這樣說,但翻閱資料,他1988年應出過名為《序曲、另一半》的個人唱片)!

除咗唔知阮兆祥歌唱比賽得獎入行,相信大家都未必知佢曾經同黎瑞恩拍拖。二人外型雖然大纜都扯唔埋,但的確有過關係,只係礙於當年風氣保守,怕拍拖影響事業,所以關係未曾公開過就已玩完,直到上年小恩子係電台訪問中無意間承認,二人拍拖呢個「圈中公開的秘密」先至得到確認。

另外,阮兆祥以往亦有個「漢堡包嘴」嘅惡名,事關當時主理年青人雜誌《Yes!》的倪震,長期以「漢堡包嘴」暗諷阮兆祥。雖則原因至今仍未清楚,但外界普遍認為是阮兆祥同周慧敏曾經行得太埋令倪震不滿有關。

立即下載《壹週刊》APP,精彩內容壹手掌握

下載連結: http://bit.ly/Next29App

如對會員訂閱制遇到任何問題或意見,你可以致電 2623 9985,或電郵聯絡客戶服務主任 cs@nextdigital.com.hk,我們定當盡力協助!