• 【前度Steven又換畫】爆乳莊端兒寫真戰外圍內衣誘惑 孖雪子集資出書
  • 2019-07-12    

 

就快書展!又是事業線紛紛出擊嘅時候。

今年寫真戰受矚目嘅有羅霖同崔碧珈。至於曾受「BOYZ」Steven(張致恒)情傷的波波姐莊端兒,話之前度又被爆換畫,自拍一輯性感內衣相,極度誘惑。唔好以為佢都係書展寫真戰友之一,呢輯相只係寫真戰外圍,今年書展未能面世。事關佢同好姊妹雪子,一齊出性感寫真計劃,需要等粉絲搭棚先有機會推出。

食住書展,唔少model同女星都推出寫真集,但35E的莊端兒卻只係籌備階段,打算同iPad胸姊妹雪子結合推出,如同有線跟無線結盟一樣。

雖然佢兩個曾經分別喺16及17年,自資出過寫真,不過自資純粹是自娛,完全冇市場保證。有見及此,佢哋自拍一輯性感宣傳相,一個騷35E上圍,一個出動「優質股」,藉此打動粉絲集資。先認購,後出擊。任何時候都係出寫真嘅timing。

搵粉搭棚呢個念頭,莊端兒話:「都係睇投資者,我們有諗過好似眾籌一樣,發起開個平台,如有讀者及粉絲預先認購,有投資者,

我哋就物色贊助及攝影師,寫真集正式啟動。」

今時今日出書,務求零風險?「應該咁講,如眾籌嘅滿足感,遠比自己攞錢出嚟,投資力捧自己大得多。始終有粉絲,或終於有人欣賞,嗰份滿足感,大於自己攞錢出嚟出本寫真。如你哋話齋,自資出書有幾難,但大眾真係會唔會買?但集資唔同,搵人預售在先,感覺又好唔同。」

胸大有腦嘅佢,出寫真唔係純為興趣,所以從生意角度,宣傳成本當然慳得就慳。呢輯向粉絲招股認購嘅寫真宣傳照,係佢倆互相為對方操刀,內衣誘惑一樣吸睛。喺莊端兒操刀之下,連iPad雪子,都變咗事業有成(有事業線)嘅女人。

近年莊端兒喺杜汶澤網台做新聞報道,的確吸咗唔少男鐵粉,所以集資出寫真計劃,應該冇難度!

7月15日起 《壹週刊》只限升級壹會員閱覽
期待你繼續支持,讓我們與香港人一起撐下去!

詳情 http://bit.ly/2YBCug0