• 【中國外交部嬲爆鬧不自量力】為港人發聲 何韻詩平安返港:佢反應越大 越證明我哋係啱
  • 2019-07-10    

 

日前何韻詩在瑞士日內瓦人權理事會上,發表有關香港近期有關反送中的演說,指上月有200萬港人上街遊行,反對香港修訂《逃犯條例》,當中提到香港的自治被蠶食。其間中方代表兩度打斷何韻詩,企圖阻止佢發言。但何韻詩越受打壓越企硬,最後更呼籲聯合國,舉行會議保護香港,以及人權議會應將中國除名。之後何韻詩更被美聯社一篇報導,形容佢對中國夠尖銳兼多元化。何韻詩此舉當然震動中國外交部,事後發言直斥佢:「癡心妄想,不自量力。」

喺內地官員視為一隻雞蛋,不自量力,但又竟能擠身國際會議,代表香港發聲的歌手何韻詩,贏倒不少港人掌聲。

今日佢終於平安返港,對於中國外交部為佢有咁大有反應,阿詩話:「佢哋咁大反應,越證明我哋係啱,亦表現出呢個國家係唔容許有唔同嘅聲音存在,我嘅講詞主要針對一國兩制被催毀嘅情況。況且我講嘅係事實,所以唔需要擔心。我冇觸犯法例,香港係有言論自由,選擇得抗爭呢條路,就預咗面對唔同嘅後果。若有日真係咁樣,香港情況已經好差,返唔到轉頭。所以能夠有機會講,就更加要講多啲。」

對於特首「林鄭」昨日發表的一番言論,阿詩又點睇?「呢啲語言偽術。香港最終目標係需要真普選,林鄭無得避。唔好就咁講啲成語(壽終正寢)呃下香港人。」無畏無懼嘅阿詩話下半年,亦有多個類似呢啲人權演講出席。

至於網民發起不同地區遊行,阿詩大讚港人有創意。「呢條抗爭路好長遠,十八區抗爭係必須。雖然幅牆好高好大,但經過一輪抗爭睇到係有進展,至少迫到林鄭再一次出嚟講嘢。」

阿詩今日從瑞士日內瓦平安返港。
昨日特首林鄭再發言,身在外地嘅佢亦好關注,佢話:「呢啲語言偽術。香港最終目標係需要真普選,林鄭無得避。唔好就咁講啲成語(壽終正寢)呃下港人就得。」
日前佢出席瑞士日內瓦人權理事會,為港人發聲,更遭中方代表兩度中斷發言,但阿詩無畏無懼,越講越勇,事後被美聯社形容佢對中國批評尖銳及多元化。

7月15日起 《壹週刊》只限升級壹會員閱覽
期待你繼續支持,讓我們與香港人一起撐下去!

詳情: http://bit.ly/2YBCug0