• 【陪阿倫阿B撐警】陳百祥現身警總打氣:正常市民會繼續支持你地
  • 2019-07-10    

 

繼譚詠麟及鍾鎮濤、梁家輝等,之前現身撐警集會,一番言論傷透歌迷心,唔少鐵粉更因此將收藏兩位偶像多年嘅黑膠碟及CD打爛發洩,以示割蓆。更有有網民發起聯署,向台灣金馬獎要求褫奪譚詠麟當年憑電影《假如我是真的》榮登影帝殊榮。

撐警令阿倫阿B流失唔少粉絲,同阿倫阿B夾過Band,又係波友嘅「阿叻」陳百祥,亦高調撐警。佢現身警總,為警員打氣。

佢話:「 你俾我做你哋都唔知點做,就只有堅持,入嚟想當差嘅,係想呢個社會有正當嘅紀律,有合法嘅嘢,你哋只不過做番你哋嘅本份,不過依家呢份工係好難撈,所以我只能做到嘅係上嚟同你哋打氣,因為我覺得,正常嘅香港人絕對同我一樣諗法,但係大家都知依家個環境好特別,所以我能夠做到嘅就係同你哋打氣,希望你哋繼續,而我哋正常嘅市民,亦會繼續支持你地。」講完,現場即報以掌聲。咁多認同嘅掌聲,阿叻幾耐冇享受過?

7月15日起 《壹週刊》只限升級壹會員閱覽
期待你繼續支持,讓我們與香港人一起撐下去!

詳情 http://bit.ly/2YBCug0