• 拍MV陰公爆喊 容祖兒:「失戀一啲都唔可怕」
  • 2019-07-12    

 


容祖兒全新廣東作品《悲觀生物學》再度與好友黃偉文(Wyman)合作,以一首苦情歌,延續《心之科學》的愛情課。歌曲講述人自出生就孑然一身,但長大後,單身變成貶義詞。人被逼著踏上所謂尋找「幸福」的旅途。在幾次戀愛經驗過後,不再年少無知、不再為單身害怕、不再執着與子偕老。祖兒表示對歌詞有很大的領悟,「歌詞嘅表面會令人覺得人生好似冇希望、好灰,其實佢係話俾人聽失戀一啲都唔可怕,一個人由出世到入士為安,都係一個人,所以係正常,係一首比較另類鼓勵大家嘅情歌。」

這次MV導演找來祖兒好友兼金像獎最佳新晉導演彭秀慧執導,能與好友合作,祖兒高興之餘,亦對好友有絕對信心,「可能因為佢讀戲劇出身,而且仲係一個女仔,佢對所有嘢嘅睇法好細膩、做事好認真。佢唔會無啦啦叫我喊,佢會將故事情節、結構講出嚟,等我慢慢代入。不過她表示今次MV拍得「好陰公」,「好陰公咁喊咗好多次,眼淚好似開水喉咁流出嚟,我好少可以喊得咁忘我。」而久未在港拍攝MV的她,因為這次要在日出時份取景,於是凌晨一時半便開始準備,「今日一點半call time,即係我平時未瞓、或者臨瞓嗰陣就要開始勞動啦!」祖兒又指上一次因工作需要而拍攝日出畫面,已是十多年前到瑞士拍攝《現代塵世美》。日出的時間短暫,所幸天公造美,最終能夠捕捉到日出瞬間。

7月15日起 《壹週刊》只限升級壹會員閱覽
期待你繼續支持,讓我們與香港人一起撐下去!

詳情 http://bit.ly/2YBCug0