• 【撒嬌的師奶最幸福】滕麗名不生育專心湊老公:佢鍾意返屋企係我嘅自豪
  • 2019-08-12    

 

結婚5年幾,滕麗名和品牌高層老公朱建崑仍然好恩愛,不過這並非幸運,而是滕麗名刻意經營,花上好多心力!

一齊找地方食飯撐枱腳

她在櫃員機過數,老公都會傍實。

之後更孖住去超市買東西,揀嗰陣有商有量

仲一齊揀酒

呢啲平凡嘅日常生活,其實一啲都唔平淡,因為滕麗名享受同老公一齊嘅每分每秒。

佢哋買完嘢仲一人拎一袋,騰出隻手嚟蹻實對方,同老公之間就充滿默契。

表面好打得,喺劇中經常演硬朗角色嘅滕麗名,話自己一返到屋企,就係老公嘅小狗仔。

佢亦唔打算生bb,寧願好好享受兩個人嘅時間。

仲自爆對住老公會即刻變嬌嗲,自認超級變聲器。除咗撒嬌,佢仲有幾招令婚姻保溫。

其中最重要係征服老公個胃。仲話老公好嘴刁,煮得唔好,佢唔食嘅。

滕麗名誇口中西餐都難唔倒佢,兩個人食飯,佢都會煮六餸一湯。仲話如果令個老公鍾意返屋企,係佢嘅自豪。

佢亦會遷就老公時間,尤其滑雪季節佢唔會接job,因為要陪老公出埠滑雪。

佢話自己前半生完全唔做運動,但受老公感染,結婚頭兩年已經學晒打golf、潛水、滑水、滑雪,仲考埋相關嘅牌,兩夫婦有共同話題同喜好。

平日佢唔使開工,每朝一定會為老公打點一切,陪佢刷牙、陪佢玩,老公沖涼嗰陣,仲會突然出嚟嚇佢,好有情趣架

滕麗名好享受做老婆嘅感覺,有一個家,令佢覺得好實在。平日老公讚佢一句叻叻,已經令佢好滿足。

攝錄:吳斯金、李玄

7月15日起 《壹週刊》只限升級壹會員閱覽
期待你繼續支持,讓我們與香港人一起撐下去!