• 【有個好老公齊發聲】瘋狂出po抗克警 袁彌明:你哋唔係無良知咁簡單,係邪惡
  • 2019-08-12    

 

8.11,香港人經歷咗難過、悲痛嘅一日,好似烈女袁彌明,見到克警暴力對待市民,24小時內瘋狂出po鬧克警,大聲對佢哋講:你哋唔係無良知咁簡單,係邪惡!連發多個po嘅Erica,一向支持民主,眼見手無寸鐵嘅市民,多番被克警以暴力相向,又點會唔出聲?出完聲,Erica仲集氣遊行,希望港人能團結起嚟,為5大訴求、為呢段時間受傷、被捕的人士,來個300萬上街!

一個幸福嘅女人,唔只有自己嘅事業,身邊仲有個好老公,同自己思想一樣,會為民出聲,Erica絕對好幸福,因為佢身邊有老公林雨陽,同樣為民發聲。唔好睇Erica烈女咁款,對住克警會忍唔住用粗口,好似呢日咁,見佢急急腳咁行落電梯,搞咩呢?原來佢趕住去買花,勁lady!見到花店店員包得紮花咁靚,睇佢笑得幾開心,仲講咗好多句唔該晒添!都係嗰句,港人加油,還我香港!

攝錄:東尼

7月15日起 《壹週刊》只限升級壹會員閱覽
期待你繼續支持,讓我們與香港人一起撐下去!