• 九成九觀眾睇補場 容祖兒臨時拉張信哲上台做嘉賓
  • 2019-08-13    

 


容祖兒演唱會進入第八場,本來今晚應是休息日,但因為頭場機件故障,所以祖兒放棄休息,把這日作為補場,九成九觀眾都沒有放棄睇多次機會,再次入場。

開場不久,祖兒望見九成九觀眾再次返場,疑似眼濕濕,向觀眾說:「唔知點解,今晚特別感動嘅」更同大家分享這個舞台係一個英國舞台設計師Es Devlin設計:「佢幫過好多國際巨星做演唱會舞台,例如Beyoncé、Kanye West、Lady Gaga、Adele、Rihanna、Katy Perry。好開心我能夠成為佢第一個亞洲區合作歌手。」

由於是特別場,祖兒之前並無邀請到嘉賓來幫忙,觀眾馬上望向VIP席上嘅張信哲,阿哲被突如其來的邀請嚇一跳,不停耍手示意沒準備,但祖兒不肯放過他,「你得既,你開緊巡迴演唱會,你把聲都開晒啦 !」然後帶領全場觀眾不停大叫張信哲!張信哲!結果阿哲推不掉從觀眾席上台。

阿哲上台後尷尷尬尬道,「我來幫你們打氣,我被嚇倒啦。」祖兒安慰阿哲後,繼而琴聲響起,兩人合唱「愛如潮水」觀眾掌聲雷動。

一首之後,祖兒嫌未夠,拉著不肯讓阿哲走,「跟你合唱真的好多好多回憶,你不要想走 ,可不可以唱多一首歌!這首歌我這個演唱會沒唱,既然你係到,唱埋佢啦。」阿哲: 「你好多歌我都識,但係邊首,有冇歌詞呀喂...」接著兩人再跟全場觀眾大合唱「習慣失戀」把現場氣氛推到最高。

9月2日起升級條件將更新 繼續每月撐壹仔 講真心話撐住我香港!