• 【借「第三者」放閃】黃翠如寸洪永城有阿叔肚腩 女友Inez:好有安全感
  • 2019-08-23    

 

呢日洪永城做咩咁唔專心,企定定喺電器舖,隻眼都係咁四圍望,唔通佢就係鬼?大家誤會晒喇,其實洪永城都係想買個鬚刨,諗住修修D毛。但係睇嚟佢唔單只要修毛,仲要修身喎,成個肚腩仔走晒出嚟啦。

唔係淨係我講,連黃翠如都係咁講㗎,仲用阿叔去形容洪永城添。不過佢地識咗十幾年,呢個level嘅講笑,只係碎料嚟啦。但係愛郎俾人話喎,女友Inez當然要出聲,即刻留言話好有安全感,真係閃到眼都盲呀。

身為健身教練既Inez,身材fit到爆,成日擺福利相上網,雖然自己操到成排朱古力,但係有咩驅使佢咁包容洪永城個肚腩呢,咪就係愛囉。

攝錄:吳斯金、李玄

9月2日起升級條件將更新 繼續每月撐壹仔 講真心話撐住我香港!