• 【開心速遞】劉丹冧大媽單膝跪地腳撐撐 媚媚韻味一絕受網民垂青
  • 2019-08-21    

 

《愛•回家之開心速遞》之所以長期受歡迎,皆因情節獨立沒有追劇煩惱,而且內容輕鬆又不時結合社會熱話能引人共鳴,像日前〈決戰大媽舞〉一集就被指神還原屯門公園大媽舞的情況:不少大叔老伯流連公園,與操半咸淡廣東話的大媽跳辣身舞,期間大派利是之餘更明言:「月亮代表你的心,紅包代表我的金;我無幾多年人可以做,總之佢哋氹得我開心,我就算傾家蕩產又有咩所謂!」

唔只咁,根叔(劉丹飾)更化身「屯門Happy伯」大跳「Happy舞」單膝跪地腳撐撐,笑鬼死人!

不過,最吸引人的始終是大媽媚媚,雖則唔似「屯門娜娜」短裙低胸係咁揈,但演員無論表情定動作都交足貨,絕對有齊大媽應有的「韻味」,好戲過唔少所謂演員!呢次霞姨不單只要派佢飯盒,還要加餸至得,難怪觀眾、網民都想知呢個飾演媚媚的演員究竟何方神聖如此好戲。可惜,演員名單只顯示「Anita」,想多啲資料都無。

《開心速遞》的情節就係夠抵死、啜核,所以不少大製作、台慶劇的收視成績都不如它。不過,連《開心速遞》的最新收視成績亦只得23.8,成為一年多以來的新低,原因相信與觀眾呼籲罷看TVB有一定關係,畢竟外界一直指反修例風波這段期間,無綫新聞不單是是旦旦,還出賣港人。

9月2日起升級條件將更新 繼續每月撐壹仔 講真心話撐住我香港!