• 【曾經背妻出軌】鎖譚俊彥入狗籠半小時 73歲狄龍:係爸爸唔啱,對唔住
  • 2019-08-23    

 

啱啱過咗嘅19號,係狄龍73歲生日,喺度同佢補祝句生日快樂!狄龍平時威風凜凜咁,佢自己一個去買外賣你見過未吖?未見過呢?去片!唔好睇狄龍好似好奄尖咁,原來佢都會食牛肉飯,仲好in咁用手錶八達通畀錢。自己一個人等外賣,等了又等!唔好以為佢自私食呀,佢外賣咗兩盒飯,一盒自己,另一盒應該係畀老婆陶敏明。

想當年,狄龍邂逅陶敏明時,女方只得14歲,拍拖5年後結婚,計到今年已經44年婚姻,唔好以為狄龍好專一,佢都曾經出過軌。狄龍講過,當年佢紅遍東南亞,受過誘惑,自己犯過錯及內疚,因為唔只係對唔起老婆,仲對唔住另一方,係自己唔啱,但呢啲事都過去咗,唔想再提,知錯,回頭是岸喎。知錯能改,陶敏明亦原諒佢,所以,44年婚姻先維持到而家。聽佢個仔譚俊彥講,大概5、6歲時,有一次狄龍揸車返屋企,佢聽緊收音機播緊一單突發新聞,點知譚俊彥貪玩將卡式帶推入機聽歌,狄龍熄番佢又開番,來回好幾次,狄龍就講,『你再撳我就鎖你入狗籠』,當時譚俊彥以為狄龍大佢,所以再撳,結果返到屋企真係鎖咗佢入狗籠,同隻都柏文一齊,半粒鐘後先放佢番出嚟,嚇到佢發燒。對於呢個唔多人道嘅教仔方法,狄龍事後亦好內疚,係自己心入面一道疤痕,曾經喺節目度同譚俊彥公開道歉,兩父子自解開心結,以後唔再提呢件事。

攝錄:蕭敬漁

9月2日起升級條件將更新 繼續每月撐壹仔 講真心話撐住我香港!