• 【中環寸嘴】我唔識乜乜黃瓜 只知道香港呱得!
  • 2019-08-20    

 

先旨聲明,小弟胸無半點墨水,唔明香港首富講乜乜黃瓜、絲瓜、苦瓜,淨係知道家陣香港「呱得」!祝特首林鄭繼續撐住個雞頭,「撐飯蓋,保飯碗」,繼續坐AM車出入,有男女保鏢,有禮賓府住,講咗等於做咗,所有嘢looks good on papers only!

幾廿年前在加拿大,同個做China Trade生意佬請教,爲何他甘願放棄榮華富貴,急流勇退呢?九七年後又該如何自處?條友當時只係憶述一位京官酒後吐真言幾句話:「九七年之後,我們落到來,你啲香港人就知味道!你啲香港人只係識投胎係香港,見識多啲咁大把啫,否則只係小強 ONLY 」。雖然去到2047年,好多當權者及小弟已不在人世間,但希望留低呢個「錦囊」俾大家。難怪家陣咁多年青人走出來, 因為知道到時就「大鳩鑊」。其實呢個當權的北大人係紅衛兵嘅鼻祖,滿腦子只顧鬥瓜鬥臭才能生存,左派就同胞勿近,焉知曉香港係資本主義同共產主義嘅 Buffer Zone?所以我不同意啲人話香港是中美貿易戰的磨心,既然林鄭話要揾外國專家,咁就要向外國專家研究吓Buffer Zone為何物,唔好咁快落咗道Bamboo Curtain,放啲黑白兩道嘅黃皮狗出來咬人,亂咁吠,正一應驗左譚惠珠所指的「楊光下法治」,,令到凡是姓楊的都揩到少少光彩!但記住此楊不同彼陽呀!

9月2日起升級條件將更新 繼續每月撐壹仔 講真心話撐住我香港!