• 【良知令大家走出來】阮民安恥與為伍 與警察堂兄割席:以後唔好X再見!
  • 2019-08-21    

 

近兩個月的逆權運動中,警方被指使用過度暴力,甚至被指與黑社會勾結,721元朗白衣人無差別攻擊市民,發生至今已逾月,但警方至今仍未落案控告,令人更質疑警方處事手法。日前更發生警察於醫院內,虐打被捕長者,令全城更為憤怒。

而藝人阮民安(Tommy)近期多次為逆權運動發聲,並以「黑警」形容警方,但就惹來任職警察的堂兄不滿,以私訊形式,質問Tommy為何以「黑警」形容警方,並問有Tommy有何不滿。日前Tommy就公開堂兄的對話紀錄,並公開回應堂兄:「我地以後唔好X再見!講完!!!」

留言獲逾3萬2千人讚好,有網民讚Tommy「好有骨氣」、「真心欣賞你」及「天佑Tommy」。



Tommy全文:

今日想同大家分享一個小故事,其實我有一個堂哥係做差佬嘅(我從來都唔會介意有人知道我堂阿哥係差佬,你係咪諗X多左)!喺721元朗無差别斬/打人之後,我同全香港人都一樣好嬲好心痛,我就出左篇克警文(嗰時我都仲係用個克字,你睇我仲幾克制)跟住過咗幾晩就收到呢個堂哥差佬夜X媽媽send呢堆message俾我,我心諗做乜X?

之後我一路都好忙,都未得閒應酬佢,話囇一場親戚,諗住得閒先send D文宣野感化下佢,救得一個得一個!點知之後嘅日子,佢地一次又一次激起民憤,與香港人為敵,今日仲要整多單私刑!天怒人怨!!!

我成日講娛樂圈有仆街,差人都一定有好人,唔想俾人鬧,咪做返D差人應該做嘅野囉,不過呢D只係我7月25嗰陣嘅諗法,今日,已經返唔到轉頭!依家係好多香港人都一齊聲討緊你地!

呢個世界,你開得全名,吊得人,仲話想公開吊(唔公開吊係俾左面我啦喎),就預左俾人XX返。

你咁想我答你,我不如就公開答你啦,我地以後唔好X再見!講完!!!

9月2日起升級條件將更新 繼續每月撐壹仔 講真心話撐住我香港!