• 【鄉郊樓市區價雲海】業主收樓嫌實用性低 詹sir「跪低」驗:有啲不完美,但可接受,有改善空間
  • 2019-08-24    

 


陸續收樓的馬鞍山雲海呎價高達18,000元,貴絕馬鞍山。實情雲海位置已經是烏溪沙,可謂「鄉郊樓,市區價」。從事機電工程設計物業管理的Dennis,月入近8萬,幾年前賣樓後一直租樓住,等樓價跌再上車。不過樓價升不停,買二手樓首期門檻越嚟越高,最後決定買一手樓。他坦言,看完示範單位後,認為雲海符合自己的要求,故入飛抽樓。

樓價跌幅有限

對於以市區價買鄉郊樓,Dennis就指價錢相對是較貴,但始終屬自住性質,長遠來說都覺得值得,因為香港始終是地少人多。至於現時社會動盪,樓價有機會下調,他表示自己有其他資產如股票及現金,故就算不幸出現負資產,仍有能力供樓。但認為香港長遠房屋供應追不上需求,故不太擔心樓價大跌。

Dennis因職業關係,對家居安全及圖則的觸覺較敏銳,故收樓時已經初步貼memo紙,予新地可執漏。甚至親自拉尺度呎吋,看實際面積是否與建築圖則內的呎吋一樣。他表示,實際面積與圖則相差10、20亳米,始終批盪等都有一定厚度,故問題不大。反而,新地常強調「以心建家」,但開則卻留有走廊玄關位,廁所外的工作平台亦無大用處,令實用率低了。

Dennis事前已告訴新地,本刊會與專業驗樓師詹濟南上門驗樓,故新地已經先行執修了一次,質素能否對得住價錢呢?

詹sir留意到主人房地台不夠「持平」,在不平的地台上擺放物品會出現搖晃甚至倒下;詹sir強調要驗地台平不平,就一定要「跪低」才可以看到。除了主人房地台不平,大廳連接露台的玻璃都有少許崩花。而浴室有石材出現「一細一大」情況,詹sir認為:「有啲不完美,但可接受,有改善空間」。

新地職員十分緊張

整體來說,全屋沒有甚麼大問題,但整潔度麻麻,廁所相連的工作平台十分污糟,玻璃被白英泥弄污糟了。新地隨行職員十分緊張,立即叫人清潔。詹sir就指,白英泥較難單以清水清潔,「清潔呢啲嘢就最忌用暴力搏命擦,有時暴力係會搞花隔籬嗰啲野。應該用得其所,用啲合用嘅清潔劑一抺就甩」。

值得一讚的是,廚櫃質素很好,詹sir大讚廚櫃的漆面「非常正」,並肯定工友沒有強行油上去,全部都是按部就班,一步一步做塗料、安裝。他形容「沒有暴塗,只有步正」,即是步驟正確!

在驗樓過程中,詹sir意外地弄髒了單位的防盜眼,「我剛才唔覺意整污糟咗佢(防盜眼)啊,咁整污糟咗我都要負返責任嘅,做得出係要認嘅。以眼還眼!」單位只有地台及窗扣分,最終得分為98.58分,四捨五入後達99分。

採訪:詹詠渝

攝錄:蔡福生

9月2日起升級條件將更新 繼續每月撐壹仔 講真心話撐住我香港!