• 【坦白的男人】54歲曹永廉剋服中年危機 飲酒發老婆脾氣:有工作就忘記
  • 2019-08-23    

 

入行多年,現年54歲的曹永廉,剛接受薛家燕電台節目訪問,坦白承認曾經經歷一般男人遇到的中年危機,情況就如他有份演出新劇《她。她。她的少女時代》角色一樣。



現實生活,曹永廉自言43歲時,當年剛榮升老豆的他,事業停滯不前,加上仔仔出世,令他相當有壓力。

「嗰陣時日日唔開心,出嚟做嘢就笑臉迎人,返到屋企就唔講嘢,仲要同太太講負面嘢,返到屋企,我好多時會坐埋一邊飲酒,我都知道自己有情緒病,後來去睇醫生,不過每次一千蚊,我覺得好貴,冇再去睇。」但原來愈擔心愈走不出死胡同,之後接到新劇,他全程投入,加上儲了一些錢,他慢慢變得輕鬆起來,所有問題像迎刃而解。

他覺得做人不用想太多,現在對來說,最重要用心養大一對子女,給他們最好。他說:「依家一個8歲,一個11歲,仲係可以控制到,如果讀到書,我梗係會好好培養佢哋。」

跟姜依蘭結婚12年,育有一對子女。
曹永廉除拍劇外,又主持音樂節目,瓣數多多。
講中年危機的新劇,他說故事內容十分勵志。

9月2日起升級條件將更新 繼續每月撐壹仔 講真心話撐住我香港!