• 【中央大抓捕】朝廷鷹犬 緊盯地產富三代
  • 2019-08-23    

 

朝廷一聲令下,要各大商家佬表態「止暴制亂 」,各大企業隨即登報紙交功課。國泰航空已經成為「樣版」,繼行政總裁、顧客及商務總裁人頭落地後,第二波清算大行動陸續出台,機師、公會主席等無一倖免。國泰今鋪向北大人三跪九叩,多得當年太古逼匯豐賣手頭10%股份俾國航,令國家有形之手伸入國泰,至今成為國泰第二大股東。「朝廷鷹犬」有見班地產富三代,大多放洋留學,滿腦子西方自由開放思想,唔似得上一代咁,對國家有「知恩圖報」之情,唔知道沙士之時,若不是中央開放自由行,搞活香港經濟,再推高地價,令香港地產商起死回生。觀乎此反送中運動,似乎班富三代「養唔熟」, 唔識得好似吳光正咁,上台撐警做吓馬騮戲,講啲阿爺啱聽嘅說話,朝廷鷹犬繼而獻計,學得當年太古逼匯豐賣國泰股份予國航一樣,構思迫使華資地產家族配售些少股份出來,讓國家收編,此乃習大大所講嘅「全面管治」,又係嘅,大陸即使係民企,都要成立個內部黨委,這才是共產黨眼中的 「企業家精神」!香港企業家要「學習、學習再學習」。

撰文:宗菁華