• 【姊弟戀專戶】40歲蕭亞軒 公開同細16年小鮮肉內地男模拍拖
  • 2019-08-24    

 

又係姊弟戀!

40歲嘅蕭亞軒,繼早排半夜神化出post,又笑又喊嘅表現嚇人一跳後,今日凌晨佢喺微博又有嘢出,呢次唔係神化之作,而係宣佈新戀情,同細佢16年嘅內地男模黃皓(Justin)拍拖,又一小鮮肉男友誕生。佢上載咗四張甜蜜照,然後寫住:「愛就是需要我們在一起。」有指蕭亞軒在情緒低潮,身體狀況出問題期間,被Justin嘅不離不棄細心保護所感動,令佢勇敢面對自己病情,乖乖吃藥,Justin亦照顧蕭亞軒嘅起居飲食,係咁強大嘅愛情力量下,令二人決定公開已拍拖兩年嘅戀情。

已經中女嘅蕭亞軒,真係堪稱姊弟戀達人,近十年嘅男友都係以嫩口為主,繼有柯震東、吳建豪前妻嘅胞弟Elroy、高爾夫球選手陳樺,都係姊弟戀。因為咁,中台兩地網民流傳一句:「誰也不能永遠年輕,但是蕭亞軒的男朋友可以。」

9月2日起升級條件將更新 繼續每月撐壹仔 講真心話撐住我香港!