• 【林鄭發文話大家都累願意對話】 黃秋生:用油救火......同你坐低傾咩?
  • 2019-08-24    

 

今日幾件事一拼發生!

1)觀塘遊行。

2)港鐵宣布多個港鐵站封站及停駛,交通受到影響引起市民不滿。

3)防暴警意料之內繼續狂放催淚彈。

4)一群自稱「香港政研會」人士包圍香港電台,兼以暴行向在場記者施襲。

5)跟住特首林鄭喺facebook發文:「大家都累了。」,「對話找出路,好嗎﹖」Carrie想同大家坐低傾,解死結。

睇見香港現狀,免於恐懼嘅自由日漸失去,呢兩日忍唔住發炮嘅影帝黃秋生,喺facebook回應林鄭。佢話:「唔好責怪港鐵,咁都睇唔出?好明顯港鐵係發爛咋啦,你叫我做一分,我比多两錢肉緊,做夠十分,你叫我封一個站我封夠七個,滿意未?下次駛唔駛封哂所有站?未開始遊行就先搞亂交通。你話港鐵係咪助攻緊呢?既然你唔满意我疏通人群,咁就塞爆交通囉。林鄭,咁樣比壓力公共機構迫使參與擾亂市面,用油救火,將所有唔係抗爭嘅師奶,大叔都激到同政府反面。用啲咁白痴嘅方法,妳覺得會有市民覺得妳有誠意,同妳坐底傾咩?搞掂妳後面啲搞屎棍先啦。而家仲亂Q咁放催淚彈,好似故意搗亂咁。咁搞法,傾條毛咩? 不如妳同D差人傾咗先啦。」

秋生呢番說話,好多香港人係咪好有同感呢!

9月2日起升級條件將更新 繼續每月撐壹仔 講真心話撐住我香港!