• 【港鐵封站堅持開騷】菊梓喬唱到半場 遲來反應公佈可退票
  • 2019-08-25    

 

尋日係星夢愛將Hana菊梓喬首次開演唱會,地點係九展,點知就撞正因觀塘及九龍灣有遊行,港鐵將彩虹至調景嶺站之間的列車服務暫停,甚至有部份索性封站,加上警民衝突,情況混亂。

但Hana所屬嘅星夢娛樂冇畏冇懼,唔理九展受以上事件影響,堅持騷照開,結果有網民質疑:「開騷緊要過人命?」

幸得尋晚入座率高達七成,Hana啲鐵粉為撐偶像,不惜提前幾個鐘出門,轉轉折折,千辛萬苦誓到九展。

點知開騷後一個鐘,大會先喺網上宣布可退票,真係遲來嘅反應,搞到鐵粉啲汗水白流一趟。宣布觀眾保留完整門票連票尾,稍後安排退票。

個騷照開,幾時「跪低」都唔係Hana做嘅決定。所以完騷後佢即喺ig吐心聲,向班粉道歉:「今天本以為要取消演出,最後萬分感謝今晚的所有觀眾,你們為了來支持我實在太辛苦大家,感激這份愛。能夠為大家演出是我這生的榮幸,大家安全平安是最重要,對不起。要大家辛苦了,真的對不起。」

好在Hana真係鐵粉多,佢發文後,唔少留言都係繼續支持佢。

粉絲千辛萬苦去到九展撐佢,Hana當然加多幾分肉緊唱好啲歌。
粉絲辛苦嚟到,點知大會又喺中場宣布可以退票,反應咁遲鈍,相信連Hana都覺得唔好意思,所以完騷後佢即刻喺ig,向粉絲道歉。
下午拜神時,大會仍堅持騷照開,但當時無論交通抑或警民衝突,路面情況都頗混亂。

9月2日起升級條件將更新 繼續每月撐壹仔 講真心話撐住我香港!