• 【嘩!好大隻呀!】影家庭照變影寫真集 盧頌之對King剖白:愛你一萬年
  • 2019-09-03    

 

曾經係周秀娜師妹嘅盧頌之(Dada Lo),同好姊妹A Lin出過寫真集、拍過戲,不過,隨住嫰模潮退,Dada同A Lin都各有各生活。先講A Lin,佢16年尾同許廷鏗親阿哥許永鏗拍拖,眨吓眼都拍咗三年幾,成日孖住周圍去,好sweet。Dada仲幸福,佢17年同大隻仔King(趙勁皓)結婚,生埋個女踢踢,一家三口樂也融融。

算係冇做呢行嘅Dada,全職湊女,平時會帶吓踢踢出品牌活動賺吓外快,係半個KOL。King間唔時有拍吓嘢,不過,佢主力都係搞健身室,之前先參過完比賽,佢操得咁勁,當然有拎獎啦。Dada同King,啱啱同踢踢影完一輯家庭照,好溫馨!唔知係唔係職業癮起,攝影師幫佢哋一家三口影影吓相,變咗幫佢兩公婆影寫真咁,嘩,好曬呀!Dada仲慌死唔夠曬咁,仲要喺老公張相嘅post整句,「愛你一萬年」!臨尾,King仲要擺晒pose、剝埋上身,解開粒褲頭鈕影單人相,佢近乎完美嘅body,真係睇到人嘩嘩聲,唔怪得Dada話要愛佢一萬年啦!

9月2日起升級條件將更新 繼續每月撐壹仔 講真心話撐住我香港!