• 【再度重遇你】陳家樂借錢捱麵包13年後終出頭 岑日珈心痛:我好明白佢內心
  • 2019-09-03    

 

六年前,陳家樂入行已經有一段日子,岑日珈事業剛起步。兩人都報讀同一個演技訓練班,班中還有泳兒、衛詩雅等人。

之後兩人一直未有碰面,直至他們接了同一部電影《綁靈》,跟惠英紅合作,在戲中飾演他們的老師。再見面,陳家樂表示當日上課時,岑日珈很害羞,課堂訓練喜感,觸覺等,要經常創作一些內容逗大家開心,岑日珈卻十分小朋友。

「佢嗰種思維,做完大家都唔係好識得笑,因為我唔知佢做緊乜,全場都呆咗。」陳家樂說。

當年岑日珈只有十九歲,尚未正式出道,自覺跟一班藝人一起上課,有點不知所措。相隔多年,陳家樂觀察到她變得完全不同,放膽提出意見,投入角色,整個人輕鬆很多,跨進一大步。

岑日珈坦言跟陳家樂和惠英紅首次合作,因為資歷淺,很怕躭誤其他人時間,所以變得更加緊張,幸好有小紅姐從旁教導,她說:「緊張會喺身體表達出嚟,佢叫我盡量放鬆,因為鏡頭好敏感,差少少出嚟效果都會相差好遠。」而跟她做過同學的陳家樂,很多時候會現場講笑話,緩和氣氛。

原來,岑日珈之後因為壓力,情緒不穩定,有差不多兩年時間收起自己,停工了一段日子。

「我諗番起嗰段時間都好後悔,而家遇到咩事情都會積極面對,同埋以開心角度去面對,因為有經歷先至會成長,如果無成長,你唔會知道呢個世界好多事情好與壞,係需要時間學習。」岑日珈說。

入行十三年,曾經要借貨度日,捱麵包的陳家樂,至去年才憑《逆緣》彈出,他說:「如果遇到低潮,對自己有懷疑時,找我會諗番點解要咁樣做,即係點解要做呢份工。不過當經咁多事情之後,唔知邊度嚟信心,可能係上天畀我,我知道自己一定可以做到,而家係懷住呢份堅持走自己路。」

一直在旁聽陳家樂講分享的岑日珈,坦言有點眼濕,她說有點心痛:「佢都花咗十三人年時間,其實對於一位年輕人,都係好長時間,我好明白家樂感受。每個人的路,都係要耐性同時間行出嚟。」

陳家樂說,現在回頭想,這所有的經歷造就今日的我:「我覺得一步一步嚟,累積十三年經驗,然後等一個機會去表現自己。」

9月2日起升級條件將更新 繼續每月撐壹仔 講真心話撐住我香港!