• 【偷嗒劉明軒後】盧永仁夫婦由撐枱腳餵食再goodbye kiss 到出街黑面零交流
  • 2019-09-03    

 

盧永仁與太太陳明芳結婚十九年,以前撐枱腳好恩愛㗎,又餵食又goodbye kiss。不過,自從盧永仁同劉明軒2017年私竇連番密會被踢爆之後,佢兩公婆嘅關係好似唔同咗喇,早排見到佢哋出街仲有啲黑口黑面。

盧永仁就威啦,某個晚上咀完劉明軒,早上即刻錫老婆,然後晚上再kiss劉明軒,立即令人驚覺佢財技了得之外,原來口技都唔講得笑,喺氹女嗰方面。

唔知係咪好老公形象被踢爆,搞到對住老婆有少少惱羞成怒,喺街見到盧永仁對陳明芳嘅態度唔同咗,兩公婆加個親友三人行,盧永仁成程黑住面一支箭行先,頭也不回。

陳明芳有親友陪住傾偈,對於老公嘅表情、態度,本來都無咩感覺。不過,當親友行開咗,陳明芳行到攰攰地想坐低攤抖一下時,就即刻有面色睇、有氣受喇。

從盧永仁對住老婆嘅肢體語言猜測,似乎有唔少牢騷喎,陳明芳一於低頭撳電話扮聽唔到,甚至離座行遠啲保持距離。但係,一齊出街避唔到幾多,始終都要繼續聽盧永仁「吟吟噚噚」。

就算唔係愛情專家,但相信都聽過:「如果個死佬突然間對你好好,花言巧語又送乜送物,好大機會係有景滾!」又真係見到盧永仁喺「劉明軒」期間好錫老婆喎,反而依家就……或者有人問,陳明芳點解忍得住唔離婚㗎?離婚咪盞益咗個衰佬同其他女人!要知道,陳明芳手上只得一間於14年同屋企人聯名買入的將軍澳Parkside,除此之外無嘢揸手。離婚?好唔穩陣囉!

9月2日起升級條件將更新 繼續每月撐壹仔 講真心話撐住我香港!