• 《Think Big天地》弦外之音?梁嘉琪猜字謎:一隻狗兩個口,誰遇牠誰發愁
  • 2019-09-04    

 

全城都指大台偏頗,特別在反修例相關事件上自動「河蟹」、避重就輕。不過,員工不時會暗啞底「作反」,除咗喺劇集情節中加插一啲類似示威場面,或者對白用上官員金句外,原來兒童節目《Think Big天地》都有啲位會令人眼前為之一亮,就好像9月2開學日的一集,喺「Think Big腦力戰」環節中,梁嘉琪負責問問題讓其他人搶答,其中一個問題相當敏感:「一隻狗,兩個口……」一般情況下,腦海會立即諗起「官」字兩個口,仲唔係「狗官」。不過,問題未完:「一隻狗,兩個口;誰遇牠,誰發愁。(猜一字)」

基於近日社會情況,聽得最多嘅一種狗,再加遇上都無好事發生呢點,網民紛紛喺網上留言搶答:「係『警』字!」其實,節目其中一位主持人都忍唔住問:「係咪估『咩』狗?」搞到因為post過一張「加油、香港」圖而被傳雪藏嘅梁嘉琪都忍唔住笑出聲。

當然啦,答案其實只是個「哭」字,話晒係兒童節目。但係,喺呢個敏感moment,由大台入面為數不多敢於表態的梁嘉琪口中講出:「呢隻狗我見到佢就會唔開心。」難道不是弦外之音、話中有話?

9月2日起升級條件將更新 繼續每月撐壹仔 講真心話撐住我香港!